Dil Hijr Ke Dard Se Bojhal Hai Ab Aan Milo To Behtar Ho

dil hijr ke dard se bojhal hai ab aan milo to behtar ho

is baat se hum ko kya matlab ye kaise ho ye kyunkar ho

ek bhik ke donon kase hain ek pyas ke dono pyase hain

hum kheti hain tum baadal ho hum nadiyan hain tum sagar ho

ye dil hai ki jalte sine mein ek dard ka phoDa allhaD sa

na gupt rahe na phuT bahe koi marham ho koi nishtar ho

hum sanjh samay ki chhaya hain tum chaDhti raat ke chandraman

hum jate hain tum aate ho phir mel ki surat kyunkar ho

ab husn ka rutba aali hai ab husn se sahra KHali hai

chal basti mein banjara ban chal nagri mein saudagar ho

jis chiz se tujh ko nisbat hai jis chiz ki tujh ko chahat hai

wo sona hai wo hira hai wo maTi ho ya kankar ho

ab 'insha'-ji ko bulana kya ab pyar ke dip jalana kya

jab dhup aur chhaya ek se hon jab din aur raat barabar ho

wo raaten chand ke sath gain wo baaten chand ke sath gain

ab sukh ke sapne kya dekhen jab dukh ka suraj sar par ho

(860) Peoples Rate This

Your Thoughts and Comments

Dil Hijr Ke Dard Se Bojhal Hai Ab Aan Milo To Behtar Ho In English By Famous Poet Ibn E Insha. Dil Hijr Ke Dard Se Bojhal Hai Ab Aan Milo To Behtar Ho is written by Ibn E Insha. Read famous Poem Dil Hijr Ke Dard Se Bojhal Hai Ab Aan Milo To Behtar Ho for youth and Student by Ibn E Insha. Free Download Dil Hijr Ke Dard Se Bojhal Hai Ab Aan Milo To Behtar Ho in PDF.