Kal Chaudhwin Ki Raat Thi Shab Bhar Raha Charcha Tera

kal chaudhwin ki raat thi shab bhar raha charcha tera

kuchh ne kaha ye chand hai kuchh ne kaha chehra tera

hum bhi wahin maujud the hum se bhi sab puchha kiye

hum hans diye hum chup rahe manzur tha parda tera

is shahr mein kis se milen hum se to chhuTin mahfilen

har shaKHs tera nam le har shaKHs diwana tera

kuche ko tere chhoD kar jogi hi ban jaen magar

jangal tere parbat tere basti teri sahra tera

hum aur rasm-e-bandagi aashuftagi uftadgi

ehsan hai kya kya tera ai husn-e-be-parwa tera

do ashk jaane kis liye palkon pe aa kar Tik gae

altaf ki barish teri ikram ka dariya tera

ai be-daregh o be-aman hum ne kabhi ki hai fughan

hum ko teri wahshat sahi hum ko sahi sauda tera

hum par ye saKHti ki nazar hum hain faqir-e-rehguzar

rasta kabhi roka tera daman kabhi thama tera

han han teri surat hasin lekin tu aisa bhi nahin

ek shaKHs ke ashaar se shohra hua kya kya tera

bedard sunni ho to chal kahta hai kya achchhi ghazal

aashiq tera ruswa tera shair tera 'insha' tera

(1939) Peoples Rate This

Your Thoughts and Comments

Kal Chaudhwin Ki Raat Thi Shab Bhar Raha Charcha Tera In English By Famous Poet Ibn E Insha. Kal Chaudhwin Ki Raat Thi Shab Bhar Raha Charcha Tera is written by Ibn E Insha. Read famous Poem Kal Chaudhwin Ki Raat Thi Shab Bhar Raha Charcha Tera for youth and Student by Ibn E Insha. Free Download Kal Chaudhwin Ki Raat Thi Shab Bhar Raha Charcha Tera in PDF.