Us Sham Wo RuKHsat Ka Saman Yaad Rahega

us sham wo ruKHsat ka saman yaad rahega

wo shahr wo kucha wo makan yaad rahega

wo Tis ki ubhri thi idhar yaad rahegi

wo dard ki uTTha tha yahan yaad rahega

hum shauq ke shole ki lapak bhul bhi jaen

wo sham-e-fasurda ka dhuan yaad rahega

han bazm-e-shabana mein hama-shauq jo us din

hum the teri jaanib nigaran yaad rahega

kuchh 'mir' ke abyat the kuchh 'faiz' ke misre

ek dard ka tha jin mein bayan yaad rahega

aankhon mein sulagti hui wahshat ke jilau mein

wo hairat o hasrat ka jahan yaad rahega

jaan-baKHsh si us barg-e-gul-e-tar ki tarawat

wo lams-e-aziz-e-do-jahan yaad rahega

hum bhul sake hain na tujhe bhul sakenge

tu yaad rahega hamein han yaad rahega

(1337) Peoples Rate This

Your Thoughts and Comments

Us Sham Wo RuKHsat Ka Saman Yaad Rahega In English By Famous Poet Ibn E Insha. Us Sham Wo RuKHsat Ka Saman Yaad Rahega is written by Ibn E Insha. Read famous Poem Us Sham Wo RuKHsat Ka Saman Yaad Rahega for youth and Student by Ibn E Insha. Free Download Us Sham Wo RuKHsat Ka Saman Yaad Rahega in PDF.