Shauq Jab Bhi Bandagi Ka Rahnuma Hota Nahin

shauq jab bhi bandagi ka rahnuma hota nahin

zindagi se zindagi ka haq ada hota nahin

kya samajh aaengi tum ko ishq ki barikiyan

dil tumhaara jab talak dard-ashna hota nahin

ruh o tan ka ishq ye qaem rahega daimi

KHatm baad-e-marg bhi ye silsila hota nahin

kaun hai jo jurm karne ko hai shab ka muntazir

raushni mein din ki yaro kya bhala hota nahin

ghaaliban hota mujhe bhi ghar ke girne ka gila

rahgiron ka agar ye rasta hota nahin

bad-gumani ki faza mein kya safai den tumhein

is faza mein koi bhi hal masala hota nahin

ek zara si baat pe ye munh banana ruThna

is tarah to koi apnon se KHafa hota nahin

koi gustaKHi to ki hai naw ne girdab se

warna yun sahil pe koi gham-zada hota nahin

kamra-e-taqdir mein aati urus-e-arzu

waqt-e-na-hanjar ka jo faisla hota nahin

aankh se pine ka bhi saqi ne manga hai hisab

is rawish se yaro koi mai-kada hota nahin

'mufti' dekho mahr palTa hai meri taqdir ka

dekhte hain kis tarah sajda ada hota nahin

(938) Peoples Rate This

Your Thoughts and Comments

Shauq Jab Bhi Bandagi Ka Rahnuma Hota Nahin In English By Famous Poet Ibn-e-Mufti. Shauq Jab Bhi Bandagi Ka Rahnuma Hota Nahin is written by Ibn-e-Mufti. Read famous Poem Shauq Jab Bhi Bandagi Ka Rahnuma Hota Nahin for youth and Student by Ibn-e-Mufti. Free Download Shauq Jab Bhi Bandagi Ka Rahnuma Hota Nahin in PDF.