Hawadisat Zaruri Hain Zindagi Ke Liye
hawadisat zaruri hain zindagi ke liye
ki moD hote hain har rah har gali ke liye
na koi mere liye hai na main kisi ke liye
bas ek lafz-e-nadamat hun zindagi ke liye
wo titliyon ki tarah mujh se aur dur hua
baDhaya jis ki taraf hath dosti ke liye
ye uzw uzw mera pyas se sulagta hai
mujhe lahu ki zarurat hai tishnagi ke liye
ab is se baDh ke mera imtihan kya hoga
main zahr pi ke jiya hun teri KHushi ke liye
jo ho sake to KHud ashkon ko ponchh lo 'ibrat'
kisi ke pas kahan waqt dil-dahi ke liye
Ibrat Machlishahri 
(870) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544