Rahmaton Mein Teri Aaghosh Ki Pale Gae Hum

rahmaton mein teri aaghosh ki pale gae hum

aise mardud hue phir ki nikale gae hum

aasmanon ko sambhaale rahi qudrat teri

itne sarkash the ki tujh se na sambhaale gae hum

ishq ki bu thi tajassus ka nasha shauq ka rang

saghar-e-gul mein tere waste Dhaale gae hum

tajrabaat apne muqaddar mein liye marhala-war

tere bazar-e-tamasha mein uchhaale gae hum

jins-e-ehsas ki dukan pe sannaTa tha

koi gahak na tha is ka to uTha le gae hum

roab tari tha zaban par tera maKHluq thi chup

hum to aashiq the gham-e-hijr suna le gae hum

luT le chain koi ye na hua tha ab tak

mutmain rah gaya wo aur chura le gae hum

(904) Peoples Rate This

Your Thoughts and Comments

Rahmaton Mein Teri Aaghosh Ki Pale Gae Hum In English By Famous Poet Iffat Abbas. Rahmaton Mein Teri Aaghosh Ki Pale Gae Hum is written by Iffat Abbas. Read famous Poem Rahmaton Mein Teri Aaghosh Ki Pale Gae Hum for youth and Student by Iffat Abbas. Free Download Rahmaton Mein Teri Aaghosh Ki Pale Gae Hum in PDF.