Ghabra Gae Hain Waqt Ki Tanhaiyon Se Hum
ghabra gae hain waqt ki tanhaiyon se hum
ukta chuke hain apni hi parchhaiyon se hum
saya mere wajud ki had se guzar gaya
ab ajnabi hain aap shanasaiyon se hum
ye soch kar hi KHud se muKHatib rahe sada
kya guftugu karenge tamashaiyon se hum
ab denge kya kisi ko ye jhonke bahaar ke
mangenge dil ke zaKHm bhi purwaiyon se hum
'zarrin' kya bahaaron ko muD muD ke dekhiye
manus the KHizan ki dil-asaiyon se hum
Iffat Zarrin 
(871) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544