Dayar-e-nur Mein Tira-shabon Ka Sathi Ho
dayar-e-nur mein tira-shabon ka sathi ho
koi to ho jo meri wahshaton ka sathi ho
main us se jhuT bhi bolun to mujh se sach bole
mere mizaj ke sab mausamon ka sathi ho
main us ke hath na aaun wo mera ho ke rahe
main gir paDun to meri pastiyon ka sathi ho
wo mere nam ki nisbat se mo'atabar Thahre
gali gali meri ruswaiyon ka sathi ho
kare kalam jo mujh se to mere lahje mein
main chup rahun to mere tewaron ka sathi ho
main apne aap ko dekhun wo mujh ko dekhe jae
wo mere nafs ki gumrahiyon ka sathi ho
wo KHwab dekhe to dekhe mere hawale se
mere KHayal ke sab manzaron ka sathi ho
Iftikhar Arif 
(2416) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544