Ye Naqsh Hum Jo Sar-e-lauh-e-jaan Banate Hain

ye naqsh hum jo sar-e-lauh-e-jaan banate hain

koi banata hai hum KHud kahan banate hain

ye sur ye tal ye lai kuchh nahin ba-juz taufiq

to phir ye kya hai ki hum armughan banate hain

samundar us ka hawa us ki aasman us ka

wo jis ke izn se hum kashtiyan banate hain

zamin ki dhup zamane ki dhup zehn ki dhup

hum aisi dhup mein bhi saeban banate hain

KHud apni KHak se karte hain mauj-e-nur kashid

phir us se ek nai kahkashan banate hain

kahani jab nazar aati hai KHatm hoti hui

wahin se ek nai dastan banate hain

khuli faza mein KHush-awaz taeron ke hujum

magar wo log jo tir o sinan banate hain

palaT ke aae gharib-ul-watan palaTna tha

ye dekhna hai ki ab ghar kahan banate hain

(1118) Peoples Rate This

Your Thoughts and Comments

Ye Naqsh Hum Jo Sar-e-lauh-e-jaan Banate Hain In English By Famous Poet Iftikhar Arif. Ye Naqsh Hum Jo Sar-e-lauh-e-jaan Banate Hain is written by Iftikhar Arif. Read famous Poem Ye Naqsh Hum Jo Sar-e-lauh-e-jaan Banate Hain for youth and Student by Iftikhar Arif. Free Download Ye Naqsh Hum Jo Sar-e-lauh-e-jaan Banate Hain in PDF.