Ye Moajiza Bhi Kisi Ki Dua Ka Lagta Hai

ye moajiza bhi kisi ki dua ka lagta hai

ye shahr ab bhi usi bewafa ka lagta hai

ye tere mere charaghon ki zid jahan se chali

wahin kahin se ilaqa hawa ka lagta hai

dil un ke sath magar tegh aur shaKHs ke sath

ye silsila bhi kuchh ahl-e-riya ka lagta hai

nai girah nae naKHun nae mizaj ke qarz

magar ye pech bahut ibtida ka lagta hai

kahan main aur kahan faizan-e-naghma-o-ahang

karishma sab dar-o-bast-e-nawa ka lagta hai

(576) Peoples Rate This

Your Thoughts and Comments

Ye Moajiza Bhi Kisi Ki Dua Ka Lagta Hai In English By Famous Poet Iftikhar Arif. Ye Moajiza Bhi Kisi Ki Dua Ka Lagta Hai is written by Iftikhar Arif. Read famous Poem Ye Moajiza Bhi Kisi Ki Dua Ka Lagta Hai for youth and Student by Iftikhar Arif. Free Download Ye Moajiza Bhi Kisi Ki Dua Ka Lagta Hai in PDF.