AaKHiri Aadmi Ka Rajaz
musahibin-e-shah mutmain hue ki sarfaraaz sar-burida bazuon samet shahr ki fasil par laTak rahe hain
aur har taraf sukun hai
sukun hi sukun hai
fughan-e-KHalq ahl-e-taifa ki nazr ho gai
mata-e-sabr wahshat-e-dua ki nazr ho gai
umid-e-ajr be-yaqini-e-jaza ki nazr ho gai
na e'tibar-e-harf hai na aabru-e-KHun hai
sukun hi sukun hai
musahibin-e-shah mutmain hue ki sarfaraaz sar-burida bazuon
samet shahr ki fasil par laTak rahe hain aur har taraf sukun hai
sukun hi sukun hai
KHalij-e-iqtidar sarkashon se paT di gai
jo hath aai daulat-e-ghanim banT di gai
tanab-e-KHema-e-lisan-o-lafz kaT di gai
faza wo hai ki aarzu-e-KHair tak junun hai
sukun hi sukun hai
musahibin-e-shah mutmain hue ki sarfaraaz sar-burida bazuon samet shahr ki fasil par laTak rahe hain
aur har taraf sukun hai
sukun hi sukun hai
Iftikhar Arif 
(1414) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544