Intibah
hinDola jhulne wale
zamin se kaT ke uncha jhulne ki chah rakhte hain to phir jhulen
magar ye yaad rakkhen
zamin se kaT ke uncha jhulne wale fazaon mein muallaq hi rahenge
jhulane wale ke rahm-o-karam par daere-dar-daere gardish karenge
aur zamin par lauT kar bhi be-zamini ke alam sahte rahenge
hinDola jhulne wale
zamin se kaT ke uncha jhulne ki chah rakhte hain
to phir jhulen magar ye yaad rakkhen
Iftikhar Arif 
(824) Peoples Rate This