Kuch
jis roz hamara kuch hoga
phulon ki dukanen band hongi
shirin-suKHanon ke harf-e-dushnam
be-mehr zabanen band hongi
palkon pe nami ka zikr hi kya
yaadon ka suragh tak na hoga
hamwari-e-har-nafas salamat
dil par koi dagh tak na hoga
pamali-e-KHwab ki kahani
kahne ko charagh tak na hoga
mabud is aaKHiri safar mein
tanhai ko sruKH-ru hi rakhna
juz tere nahin koi nigah-dar
us din bhi KHayal tu hi rakhna
jis aankh ne umar bhar rulaya
us aankh ko be-wazu hi rakhna
jis roz hamara kuch hoga
phulon ki dukanen band hongi
Iftikhar Arif 
(991) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544