Raushni Ki Dor Thame Zindagi Tak Aa Gae

raushni ki Dor thame zindagi tak aa gae

chor ahd-e-samri ke jal-pari tak aa gae

waizan-e-KHush-hawas ki jhiDkiyan sunte hue

la-shuuri taur par hum sarKHushi tak aa gae

Dhol piTa ja raha tha aur KHali peT hum

hanste-gate thap sunte Dholchi tak aa gae

wahimon ki na-tamami ka ilaqa chhoD kar

kuchh parinde hath bandhe sabzagi tak aa gae

bhai bahnon ki mohabbat ka nasha mat pochhiye

be-takalluf ho gae to gudgudi tak aa gae

chaak-e-tohmat par ghumaya ja raha tha ishq ko

jab hamare ashk KHwab-e-KHud-kushi tak aa gae

galiyan bakne lage ghusse hue laDne lage

raqs karte karte hum bhi KHud-sari tak aa gae

ai hasin laDki tumhaare husn ke lazzat parast

kafiri se sar bacha kar shairi tak aa gae

(570) Peoples Rate This

Your Thoughts and Comments

Raushni Ki Dor Thame Zindagi Tak Aa Gae In English By Famous Poet Iftikhar Falak Kazmi. Raushni Ki Dor Thame Zindagi Tak Aa Gae is written by Iftikhar Falak Kazmi. Read famous Poem Raushni Ki Dor Thame Zindagi Tak Aa Gae for youth and Student by Iftikhar Falak Kazmi. Free Download Raushni Ki Dor Thame Zindagi Tak Aa Gae in PDF.