Malbe Se Jo Mili Hain Wo Lashen Dikhaiye
malbe se jo mili hain wo lashen dikhaiye
sahab nawadiraat ki shaklen dikhaiye
hum log be-basar hain magar bad-nazar nahin
ainak utariye hamein aankhen dikhaiye
duniya kama ke so gae jo be-charagh log
un ko mera KHayal hai qabren dikhaiye
jo dekhne se baz nahin aa rahe unhen
mahshar ke din ki aaKHiri qisten dikhaiye
main hun 'falak ghulam-e-ali ya-ali madad
mujh ko mere imam sabilen dikhaiye
Iftikhar Falak Kazmi 
(879) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544