Humse Apne Ganw Ki MiTTi Ke Ghar Chhine Gae
hum se apne ganw ki miTTi ke ghar chhine gae
jis tarah shahri parindon se shajar chhine gae
titliyon ne kaghzi phulon pe Dera kar liya
raste mein jugnuon ke baal-o-par chhine gae
is qadar baDhne lage hain ghar se ghar ke fasle
doston se sham ke paidal safar chhine gae
kale suraj ki ziya se shahr andha ho gaya
KHun mein KHushbu ugane ke hunar chhine gae
aankh aankhon se zabanon se zaban chhini gai
dastan se dastanon ke sharar chhine gae
Iftikhar Qaisar 
(1086) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544