Ai KHuda Bharam Rakhna Barqarar Is Ghar Ka
ai KHuda bharam rakhna barqarar is ghar ka
hai tere karam par hi inhisar is ghar ka
har kiwaD Duba hai be-karan udasi mein
aur har daricha hi sogwar is ghar ka
phailti chali jae bel bad-gumani ki
KHatm hi nahin hota intishaar is ghar ka
is jahan mein hoga be-amal na hum jaisa
hum na rakh sake qaem e'tibar is ghar ka
kis qadar gunahon ke murtakib hue hain hum
jo sukun luTta hai bar bar is ghar ka
gard be-yaqini ki gar sameT len mil kar
mo'tabar gharon mein ho phir shumar is ghar ka
jaan se guzarne ka hausla ata kar de
ab makin na ho koi sharmsar is ghar ka
Ikram Mujeeb 
(886) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544