KanTon Mein Hi Kuchh Zarf-e-samaat Nazar Aae

kanTon mein hi kuchh zarf-e-samaat nazar aae

gulshan mein kahin to meri rudad suni jae

is kargah-e-shisha mein aaina hun main bhi

chehra nahin koi to koi sang hi aae

gul-gasht ka ab zauq na kuchh qadr-e-bahaaran

ek umr se hun zaKHmon ka gulzar sajae

manzil ka hai imkan na koi KHatm-e-safar ka

is aabla-pai ko koi nam diya jae

is wadi-e-kohsar mein patthar hi nahin hain

hai aur bahut kuchh bhi kisi ko to nazar aae

han tez bahut tez hai ab waqt ki raftar

is dil ka karun kya ki jo chal pae na ruk pae

tanbe si zamin aur siwa neze pe suraj

taqdir ne yun hashr ke aasar dikhae

ek gard-e-masafat thi jo chehre se na utri

waise to yahan hum ne kai shahr basae

'imdad'-nizami na suKHnawar the na shaer

kuchh zaKHm amanat the kisi ki wahi le aae

(515) Peoples Rate This

Your Thoughts and Comments

KanTon Mein Hi Kuchh Zarf-e-samaat Nazar Aae In English By Famous Poet Imdad Nizaamii. KanTon Mein Hi Kuchh Zarf-e-samaat Nazar Aae is written by Imdad Nizaamii. Read famous Poem KanTon Mein Hi Kuchh Zarf-e-samaat Nazar Aae for youth and Student by Imdad Nizaamii. Free Download KanTon Mein Hi Kuchh Zarf-e-samaat Nazar Aae in PDF.