KHizan Ke Hosh Kisi Rose Main UData Hua
KHizan ke hosh kisi rose main uData hua
tumhein dikhunga yaqinan bahaar lata hua
tamam war meri ruh par the lekin main
tamam umr phira jism ko bachata hua
KHushi se karna rawana mere makan mujh ko
main haar jaun agar wahshaten haraata hua
bahut udas akela hamesha lauTa kyun
falak pe jo bhi dikha mujh ko jagmagata hua
mujhe bulane makan aa na jae sahra tak
main ghar se aaya to hun naqsh-e-pa miTata hua
tumhaari yaad hai bikhri paDi kai din se
laraz raha hun main apne hi ghar mein aata hua
hai ek gharib ke bachche si zindagi apni
KHushi ka parb bhi guzre jise rulata hua
ye tere lams ka jadu hai ya wafa meri
badan se aa gaya bahar gale lagata hua
Imran Husain Azad 
(736) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544