Log Paband-e-salasil Hain Magar KHamosh Hain

log paband-e-salasil hain magar KHamosh hain

be-hisi chhai hai aisi ghar ke ghar KHamosh hain

dekhte hain ek-duje ko tamashe ki tarah

un pe karti hi nahin aahen asar KHamosh hain

hum harif-e-jaan ko is se baDh ke de dete jawab

koi to hikmat hai is mein hum agar KHamosh hain

apne hi ghar mein nahin milti aman to kya karen

phir rahe hain muddaton se dar-ba-dar KHamosh hain

TuTne se bach bhi sakte the yahan sab aaine

jaane kyun is shahr ke aaina gar KHamosh hain

pesh-KHema hai 'shanawar' ye kisi tufan ka

sab parinde uD gae hain aur shajar KHamosh hain

(1463) Peoples Rate This

Your Thoughts and Comments

Log Paband-e-salasil Hain Magar KHamosh Hain In English By Famous Poet Imran Shanawar. Log Paband-e-salasil Hain Magar KHamosh Hain is written by Imran Shanawar. Read famous Poem Log Paband-e-salasil Hain Magar KHamosh Hain for youth and Student by Imran Shanawar. Free Download Log Paband-e-salasil Hain Magar KHamosh Hain in PDF.