Apne Hisse Mein Hi Aane The KHasare Sare

apne hisse mein hi aane the KHasare sare

dost hi dost the basti mein hamare sare

zer-e-lab aah nami aankh mein chup chup tanha

aise hi hote hain ye dard ke mare sare

KHwab, ummid, tamannaen, talluq, rishte

jaan le lete hain aaKHir ye sahaare sare

tujh ko ek lafz bhi kahne ki zarurat kya hai

hum samajhte hain meri jaan ishaare sare

ishq kya itna baDa jurm hai? jis par yawar!

dushman-e-jaan hue jaan se pyare sare

aae jab tere muqabil to khula kuchh bhi nahin

gul-badan mah-jabin nur ke dhaare sare

haar hi jit hai aain-e-wafa ki ru se

ye wo bazi hai jahan jit ke haare sare

husn KHud qane hua lal-o-guhar par warna

hum to aflak se le aate sitare sare

kaun kafir hai ye jab puchha gaya waiz se

auj-e-mimbar se sada aai ki sare sare

Dubna likkha ho taqdir mein 'imrran' agar

aap ban jate hain gardab kinare sare

(1213) Peoples Rate This

Your Thoughts and Comments

Apne Hisse Mein Hi Aane The KHasare Sare In English By Famous Poet Imran-ul-haq Chauhan. Apne Hisse Mein Hi Aane The KHasare Sare is written by Imran-ul-haq Chauhan. Read famous Poem Apne Hisse Mein Hi Aane The KHasare Sare for youth and Student by Imran-ul-haq Chauhan. Free Download Apne Hisse Mein Hi Aane The KHasare Sare in PDF.