Dil Se Apne KHud-ba-KHud Kuchh Puchhiye Mere Liye
dil se apne KHud-ba-KHud kuchh puchhiye mere liye
faisla ab kijiye ya sochiye mere liye
fikr-e-duniya se na jaane aap kyun hain ashk-bar
in musalsal aansuon ko rokiye mere liye
main to kab se muntazir hun aap ke ehsan ki
dard ka aahon se sauda kijiye mere liye
aap ka lahja shahad jaisa tarannum-KHez hai
KHamushi ab toDiye aur boliye mere liye
aap ko sab log kahte hain masiha ai sanam
zindagi mujh ko bhi de kar dekhiye mere liye
Indira Varma 
(846) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544