Sach
sach kahan hai
tariKH ke auraq mein
tariKH se baDa dhoka to kuchh nahin
tariKH to apne apne
dalalon ke ma-tahat rahi
koi jhuT kis tarah sach mein tabdil ho jata hai
is ka jawab dene ke liye sita baqi na rahi
har us moD pe baat adhuri rah gai
jo agar mukammal ho jati
to ahl-e-fasad ka karobar kaise chalta
to kya kisi chiz ko halal karne ke liye
haram ki aamezish darkar hai
kahin aisa to nahin
rasul ke nam lewa
abu-jehl ke raste par chal paDe hon
kahin aisa to nahin falsafa-e-shahadat ka dars
yazid de raha ho
Injila Hamesh 
(1217) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544