Meri Fariyaad Pe Roya Hai Chaman Mere Baad
meri fariyaad pe roya hai chaman mere baad
khil gae aur bhi ghunchon ke dahan mere baad
sarfaroshi ka na zinda raha fan mere baad
KHud se uljha hi kiye dar-o-rasan mere baad
barhami teri rahi meri wafa tak baqi
kis ne dekhi tere mathe pe shikan mere baad
dil ko us zulf-e-pareshan mein giraftar hi rakh
phir bane ya na bane zulf-e-rasan mere baad
aaj bedad ko tum had se guzar jaane do
bhul jaoge qayamat ka chalan mere baad
qabil-e-qadr tha 'iqbaal' unhen hai taslim
yaad aaya hai mera tarz-e-suKHan mere baad
Iqbal Abidi 
(800) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544