Aankhon Se Nur Dil Se KHushi Chhin Li Gai
aankhon se nur dil se KHushi chhin li gai
hum se hamari zinda-dili chhin li gai
ek roz ittifaq se hum muskurae the
is ki saza mein hum se hansi chhin li gai
kitne charagh nur se mahrum ho gae
jab se hamari KHush-nazari chhin li gai
shikwa mera mizaj na matam meri sarisht
har-chand mujh se KHanda-labi chhin li gai
'iqbaal' is KHushi ka bharosa bhi kuchh na tha
achchha hua ye dard-sari chhin li gai
Iqbal Azeem 
(1669) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544