Ai Ahl-e-wafa Dad-e-jafa Kyun Nahin Dete
ai ahl-e-wafa dad-e-jafa kyun nahin dete
soe hue zaKHmon ko jaga kyun nahin dete
is jashn-e-charaghan se to behtar the andhere
in jhuTe charaghon ko bujha kyun nahin dete
jis mein na koi rang na aahang na KHushbu
tum aise gulistan ko jala kyun nahin dete
diwar ka ye uzr suna jaega kab tak
diwar agar hai to gira kyun nahin dete
chehron pe jo Dale hue baiThe hain naqaben
un logon ko mahfil se uTha kyun nahin dete
tauba ka yahi waqt hai kya soch rahe ho
sajde mein jabinon ko jhuka kyun nahin dete
ye jhuTe KHuda mil ke Dubo denge safina
tum hadi-e-bar-haq ko sada kyun nahin dete
Iqbal Azeem 
(1004) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544