Sahil Ke Talabgar Bhi Kya KHub Rahe Hain
sahil ke talabgar bhi kya KHub rahe hain
kahte the na Dubenge magar Dub rahe hain
tu lakh rahe ahl-e-mohabbat se gurezan
hum log tere nam se mansub rahe hain
dekha hai mohabbat ko ibaadat ki nazar se
nafrat ke awamil hamein mayub rahe hain
lamhon ke liye ek nazar un ko to dekho
sadiyon ki salibon pe jo maslub rahe hain
Iqbal Kaifi 
(955) Peoples Rate This