Har Kasi Ko Kab Bhala Yun Mustarad Karta Hun Main

har kasi ko kab bhala yun mustarad karta hun main

tu hai KHush-qismat agar tujh se hasad karta hun main

bughz bhi sine mein rakhta hun amanat ki tarah

nafraten karne pe aa jaun to had karta hun main

koi apne-ap ko manwane wala bhi to ho

manne mein kab kasi ke radd-o-kad karta hun main

kuchh shuuri sath par kuchh la-shuuri taur par

kar-e-fikr-o-fan mein ab sab ki madad karta hun main

is liye mujh se KHafa hain ahl-e-gulshan aaj-kal

rang jhuTlata hun KHushbu mustarad karta hun main

mere jazbon se bachao nek-dil logo mujhe

roz o shab in bad-maashon ki madad karta hun main

dusron ke waste likkha hua lagta hai jhuT

apni sachchai ko akasr aap rad karta hun main

rang par aai hui hai ab junun-KHezi meri

roz o shab tauhin-e-arbab-e-KHirad karta hun main

tauq gardan mein pahanta hun lahu ki dhaar ka

KHalq ko hairan 'sajid' zad-ba-zad karta hun main

(900) Peoples Rate This

Your Thoughts and Comments

Har Kasi Ko Kab Bhala Yun Mustarad Karta Hun Main In English By Famous Poet Iqbal Sajid. Har Kasi Ko Kab Bhala Yun Mustarad Karta Hun Main is written by Iqbal Sajid. Read famous Poem Har Kasi Ko Kab Bhala Yun Mustarad Karta Hun Main for youth and Student by Iqbal Sajid. Free Download Har Kasi Ko Kab Bhala Yun Mustarad Karta Hun Main in PDF.