Husn-e-fitrat Ki Aabru Mujhse

husn-e-fitrat ki aabru mujh se

aab o gil mein hai rang-o-bu mujh se

mere dam se bina-e-mai-KHana

hasti-e-shisha-o-subu mujh se

mujh se aatish-kadon mein soz o gudaz

KHanqahon mein hae o hu mujh se

shabnam-e-na-tawan sahi lekin

is gulistan mein hai numu mujh se

ek tigapue daimi hai hayat

kah rahi hai ye aabju mujh se

taqat-e-jumbish-e-nazar bhi nahin

ab ho kya sharh-e-arzu mujh se

(640) Peoples Rate This

Your Thoughts and Comments

Husn-e-fitrat Ki Aabru Mujhse In English By Famous Poet Iqbal Suhail. Husn-e-fitrat Ki Aabru Mujhse is written by Iqbal Suhail. Read famous Poem Husn-e-fitrat Ki Aabru Mujhse for youth and Student by Iqbal Suhail. Free Download Husn-e-fitrat Ki Aabru Mujhse in PDF.