Kahan Taqat Ye Rusi Ko Kahan Himmat Ye German Ko
kahan taqat ye rusi ko kahan himmat ye german ko
ki dekhe chashm-e-kaj se bhi meri shaKH-e-nasheman ko
wafa-dushman ye aalam ab to hai teri nawazish se
ki rahm aane laga meri zabun-haali pe dushman ko
na ab sayyaad ka khaTka na ab gulchin ka andesha
karam ne baghban ke phunk Dala mere gulshan ko
bhala in bijliyon ki shoala-samani ko kya kahiye
jinhon ne TukDe TukDe kar diya ho dasht-e-aiman ko
uThae hain ye fitne nargas-e-ghammaz ne warna
na but se shaiKH ko zid hai na kabe se barahman ko
lagawaT ka ye fan baad-e-sahar ne mujh se sikha hai
gulon ko gudgudaya aur na lipTe KHar daman ko
Iqbal Suhail 
(873) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544