Hai Dard Ke Intisab Sa Kuchh

hai dard ke intisab sa kuchh

wo yaad aangan mein KHwab sa kuchh

wo aarzuen wo tishna-kaami

had-e-nigah tak sarab sa kuchh

wo hijraton ke udas mausam

safar safar iztirab sa kuchh

har ek talluq shikast-mail

rawish rawish inqilab sa kuchh

wo mishal-e-jaan bujhi bujhi si

koi bikharte gulab sa kuchh

wo phul hathon mein sang-pare

wo ek paisa hisab sa kuchh

wo us ke dil mein sawal jaisa

mere labon pe jawab sa kuchh

bas ek haalat mein hi mila wo

garhan mein aaftab sa kuchh

(630) Peoples Rate This

Your Thoughts and Comments

Hai Dard Ke Intisab Sa Kuchh In English By Famous Poet Irfan Ahmad. Hai Dard Ke Intisab Sa Kuchh is written by Irfan Ahmad. Read famous Poem Hai Dard Ke Intisab Sa Kuchh for youth and Student by Irfan Ahmad. Free Download Hai Dard Ke Intisab Sa Kuchh in PDF.