ThoDi Si Dur Teri Sada Le Gai Hamein
thoDi si dur teri sada le gai hamein
phir ek hawa-e-tund uDa le gai hamein
naddi kinare kya gae pani ki chah mein
naddi samundaron mein baha le gai hamein
qismat mein tishnagi se hi marna likha tha phir
kyun sahilon pe garm hawa le gai hamein
nashsha tha zindagi ka sharabon se tez-tar
hum gir paDe to maut uTha le gai hamein
hum sada-dil the aa gae aaKHir fareb mein
baaton mein us ki aankh laga le gai hamein
Irfan Ahmad 
(911) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544