Ba-zom-e-aql Ye Kaisa Gunah Maine Kiya

ba-zom-e-aql ye kaisa gunah main ne kiya

ek aaina tha usi ko siyah main ne kiya

ye shahr-e-kam-nazaran ye dayar-e-be-hunaran

kise ye apne hunar ka gawah main ne kiya

harim-e-dil ko jalane laga tha ek KHayal

so gul use bhi ba-yak sard aah main ne kiya

wahi yaqin raha hai jawaz-e-ham-safari

jo gah us ne kiya aur gah main ne kiya

bas ek dil hi to hai waqif-e-rumuz-e-hayat

so shahr-e-jaan ka use sarbarah main ne kiya

har ek ranj usi bab mein kiya hai raqam

zara sa gham tha jise be-panah main ne kiya

ye rah-e-ishq bahut sahl ho gai jab se

hisar-e-zat ko paiwand-e-rah main ne kiya

ye umr ki hai basar kuchh ajab tawazun se

tera hua na hi KHud se nibah main ne kiya

KHirad ne dil se kaha tu junun-sifat hi sahi

na puchh us ki ki jis ko tabah main ne kiya

(917) Peoples Rate This

Your Thoughts and Comments

Ba-zom-e-aql Ye Kaisa Gunah Maine Kiya In English By Famous Poet Irfan Sattar. Ba-zom-e-aql Ye Kaisa Gunah Maine Kiya is written by Irfan Sattar. Read famous Poem Ba-zom-e-aql Ye Kaisa Gunah Maine Kiya for youth and Student by Irfan Sattar. Free Download Ba-zom-e-aql Ye Kaisa Gunah Maine Kiya in PDF.