Ajib Nashsha Hai Hoshyar Rahna Chahta Hun

ajib nashsha hai hoshyar rahna chahta hun

main us ke KHwab mein bedar rahna chahta hun

ye mauj-e-taza meri tishnagi ka wahm sahi

main is sarab mein sarshaar rahna chahta hun

siyah chashm meri wahshaton pe tanz na kar

main qatilon se KHabar-dar rahna chahta hun

ye dard hi mera chaara hai tum ko kya malum

haTao hath main bimar rahna chahta hun

idhar bhi aaegi shayad wo shah-banu-e-shahr

ye soch kar sar-e-bazar rahna chahta hun

hawa gulab ko chhu kar guzarti rahti hai

so main bhi itna gunahgar rahna chahta hun

(651) Peoples Rate This

Your Thoughts and Comments

Ajib Nashsha Hai Hoshyar Rahna Chahta Hun In English By Famous Poet Irfan Siddiqi. Ajib Nashsha Hai Hoshyar Rahna Chahta Hun is written by Irfan Siddiqi. Read famous Poem Ajib Nashsha Hai Hoshyar Rahna Chahta Hun for youth and Student by Irfan Siddiqi. Free Download Ajib Nashsha Hai Hoshyar Rahna Chahta Hun in PDF.