Halqa-e-be-talaban Ranj-e-giran-bari Kya
halqa-e-be-talaban ranj-e-giran-bari kya
uTh ke chalna hi to hai, kuch ki tayyari kya
ek koshish ki talluq koi baqi rah jae
so teri chaaragari kya meri bimari kya
tujh se kam par kisi surat nahin raazi hota
dil-e-nadan ne dikha rakkhi hai hushyari kya
qaid-KHane se nikal aae to sahra ka hisar
hum se TuTegi ye zanjir-e-giraftari kya
wo bhi turfa suKHan-ara hain, chalo yun hi sahi
itni si baat pe yaron ki dil-azari kya
Irfan Siddiqi 
(777) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544