KHushbu Ki Tarah Sath Laga Le Gai Hum Ko
KHushbu ki tarah sath laga le gai hum ko
kuche se tere baad-e-saba le gai hum ko
patthar the ki gauhar the ab is baat ka kya zikr
ek mauj bahar-haal baha le gai hum ko
phir chhoD diya reg-e-sar-e-rah samajh kar
kuchh dur to mausam ki hawa le gai hum ko
tum kaise gire aandhi mein chhitnar darKHto
hum log to patte the uDa le gai hum ko
hum kaun shanawar the ki yun par utarte
sukhe hue honTon ki dua le gai hum ko
is shahr mein ghaarat-gar-e-iman to bahut the
kuchh ghar ki sharafat hi bacha le gai hum ko
Irfan Siddiqi 
(900) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544