Nachiz Bhi KHuban Se Mulaqat Mein Gum Hai
nachiz bhi KHuban se mulaqat mein gum hai
majzub zara sair-e-maqamat mein gum hai
kya shama jalata hai ki ai daulat-e-shab-e-tab
kal subh ka suraj to teri gat mein gum hai
khulte hi nahin lams pe us jism ke asrar
sayyah ajab shahr-e-tilismat mein gum hai
main Dub gaya jab tere paikar mein to TuTa
ye wahm ki tu KHud hi meri zat mein gum hai
ya husn hi is shahr mein kafir nahin hota
ya ishq yahan izzat-e-sadat mein gum hai
Irfan Siddiqi 
(673) Peoples Rate This