Safar Mein Hain To Hamein Yaad Baam-o-dar Ki Hai
safar mein hain to hamein yaad baam-o-dar ki hai
Thahar gae hain to phir aarzu safar ki hai
sukun se baiThne walo ye tum ne socha bhi
yahan ye chhanw hai lekin ye kis shajar ki hai
mere liye meri hijrat hi ajr kya kam hai
main chal raha hun ki har rah mere ghar ki hai
hamein bhi hai to KHabar dhup chhanw ki 'athar'
ki hum ne bhi to koi zindagi basar ki hai
Ishaq Athar Siddiqui 
(623) Peoples Rate This