Kaghaz Ke Bane Phul Jo Gul-dan Mein Rakhna
kaghaz ke bane phul jo gul-dan mein rakhna
titli ki udasi ko bhi imkan mein rakhna
main ishq hun aur mera nahin koi Thikana
ai husn mujhe dida-e-hairan mein rakhna
shayad main kisi aur zamane mein bhi aaun
mumkin to nahin hai magar imkan mein rakhna
ab markazi kirdar tumhaara hai mere dost
tum meri kahani ko zara dhyan mein rakhna
ye rah-e-mohabbat to faqat band gali hai
aasan se raste ko bhi saman mein rakhna
Ishaq Veerdag 
(799) Peoples Rate This