Bulbula PhuTe Pe Ho Jata Hai Aab
bulbula phuTe pe ho jata hai aab
jaan o jaanan mein hai ye hasti hijab
kya jhalakte hain dur-e-dandan tere
aisi moti mein kahan hai aab-o-tab
haiga nurani ruKH-e-raushan tera
raat ko mahtab din ko aaftab
be-tarah us ghar-base ki yaad mein
ab taDapta hai dil-e-KHana-KHarab
shad aankhon se kiya hai dekh 'ishq'
abru-e-jaanan ki bait-e-intiKHab
Ishq Aurangabadi 
(628) Peoples Rate This