Mere Gul Ka Jo Koi Lutf-o-karam Dekha Hai
mere gul ka jo koi lutf-o-karam dekha hai
husn aur KHalq ke tain us ne baham dekha hai
tere abru ke muqabil to hilal-asa hai
har kaman-abru ki qamat ko bhi KHam dekha hai
chashm-e-altaf se us mast nayan ki hai kaman
ki kisi waqt mere dida-e-nam dekha hai
kahte hain dar-e-mehan hai ye jahan-e-fani
kaun wo shaKHs hai jin ne ki na gham dekha hai
ashk aur aah se hai 'ishq' ka raushan eajaz
aab o aatish ko kisu ne bhi baham dekha hai
Ishq Aurangabadi 
(802) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544