Main Apne Azab Likh Rahi Thi

main apne azab likh rahi thi

zaKHmon ka hisab likh rahi thi

phulon ki zaban ki shaera thi

kanTon se gulab likh rahi thi

us peD ke khokhle tane par

ek umr ke KHwab likh rahi thi

aankhon se sawal paDh rahi thi

palkon se jawab likh rahi thi

har bund shikasta baam-o-dar par

barish ka itab likh rahi thi

ek nasl ke KHwab ke lahu se

ek nasl ke KHwab likh rahi thi

phulon mein Dhali hui ye laDki

patthar pe kitab likh rahi thi

(712) Peoples Rate This

Your Thoughts and Comments

Main Apne Azab Likh Rahi Thi In English By Famous Poet Ishrat Afreen. Main Apne Azab Likh Rahi Thi is written by Ishrat Afreen. Read famous Poem Main Apne Azab Likh Rahi Thi for youth and Student by Ishrat Afreen. Free Download Main Apne Azab Likh Rahi Thi in PDF.