Shahr Par Raat Ka Shabab Utre
shahr par raat ka shabab utre
mujh pe tanhai ka azab utre
aankhen barsen to TuT kar barsen
dhup utre to be-hisab utre
hum nai fikr ke payambar hain
hum pe bhi ek nai kitab utre
pasliyon ke nahif nezon par
bhuk ke zard aaftab utre
KHub tha ehtimam-e-dar-o-rasan
hum wahan se bhi kaamyab utre
shahr bahra hai log patthar hain
ab ke kis taur inqalab utre
'afrin' sher wo to jhuTe the
ab sadaqat ka koi bab utre
Ishrat Afreen 
(952) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544