Ye Kis Ne Kah Diya Tujhse Ki Sahil Chahta Hun Main

ye kis ne kah diya tujh se ki sahil chahta hun main

samundar hun samundar ko muqabil chahta hun main

wo ek lamha jo tere qurb ki KHushbu se hai raushan

ab is lamhe ko paband-e-salasil chahta hun main

wo chingari jo hai mashshaq fann-e-shoala-sazi mein

use raushan tah-e-KHakistar-e-dil chahta hun main

bahut be-zar hai umr-e-rawan sahra-nawardi se

pae-kar-e-junun taza mashaghil chahta hun main

na ye KHwahish ki wo miTTi mein meri jazb ho jae

na KHud ko dastan mein us ki shamil chahta hun main

ajab bismil hai 'ishrat' apne qatil se ye kahta hai

sar-e-mahfil tujhe ai jaan-e-mahfil chahta hun main

(512) Peoples Rate This

Your Thoughts and Comments

Ye Kis Ne Kah Diya Tujhse Ki Sahil Chahta Hun Main In English By Famous Poet Ishrat Zafar. Ye Kis Ne Kah Diya Tujhse Ki Sahil Chahta Hun Main is written by Ishrat Zafar. Read famous Poem Ye Kis Ne Kah Diya Tujhse Ki Sahil Chahta Hun Main for youth and Student by Ishrat Zafar. Free Download Ye Kis Ne Kah Diya Tujhse Ki Sahil Chahta Hun Main in PDF.