Zamin Ghubar Samundar Sahab Apni Jagah
zamin ghubar samundar sahab apni jagah
magar main aur mera iztirab apni jagah
hawa ki zad mein hai har chiz KHar-o-KHas ki tarah
kaho paDe rahen chup-chap KHwab apni jagah
agarche bikhri hai rakh us ki mere chaaron taraf
wo lamha ab bhi hai apna jawab apni jagah
mere aqab mein hai aawaza-e-numu ki gunj
hai dasht-e-jaan ka safar kaamyab apni jagah
zaban ko deta hai ehsas-e-tishnagi se najat
wo zaiqa hai sukut-e-sarab apni jagah
na jaane hoga kahan KHema-e-badan 'ishrat'
ki chhoDne ko hai har ek tanab apni jagah
Ishrat Zafar 
(853) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544