Shahr-e-KHisht-o-sang Mein Rahne Laga
shahr-e-KHisht-o-sang mein rahne laga
main bhi us ke rang mein rahne laga
pahle to aaseb tha basti ke beach
ab wo ek ek ang mein rahne laga
apni sulh-e-dosti lai ye rang
wo musalsal jang mein rahne laga
tab juda hote na the ab fasla
darmiyan farsang mein rahne laga
us se tark-e-guftugu karne ke baad
soz ek aahang mein rahne laga
shahr-e-KHush-poshan ko 'azmi' chhoD kar
wadi-e-be-rang mein rahne laga
Islam Uzma 
(711) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544