Nikle Chale Aate Hain Tah-e-KHak Se Khane
nikle chale aate hain tah-e-KHak se khane
ye KHwan-e-karam kis ne bichhaya hai KHuda ne
jo dil mein hai munh phoD ke barwar nahin kahte
mara mujhe yaron ki durust aur baja ne
ghaflat mein hain sar-mast badalte nahin karwaT
go sar pe uTha li hai zamin shor-e-dara ne
israf ne arbab-e-tamawwul ko Duboya
aalim ko tafaKHur ne to zahid ko riya ne
mard us ko samajhte na kiya ho jise badmast
ayyam-e-jawani ki mai-e-hosh-ruba ne
ba-in-hama darmandagi insan ke ye dawe
kya zat-e-sharif in ko banaya hai KHuda ne
jalwat ka bharosa hai na KHalwat ki tawaqqo
sab wahm tha yaron ne jo take the Thikane
Ismail Merathi 
(827) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544