Shab-e-zindagani Sahar Ho Gai

shab-e-zindagani sahar ho gai

bahr-kaif achchhi basar ho gai

na samjhe ki shab kyun sahar ho gai

idhar ki zamin sab udhar ho gai

zamane ki bigDi kuchh aisi hawa

ki be-ghairati bhi hunar ho gai

amaid ne ki waza jo iKHtiyar

wahi sab ko madd-e-nazar ho gai

gae jo nikal dam-e-tazwir se

hazimat hi in ki zafar ho gai

zamin munqalib aasman charKH-zan

iqamat bhi hum ko safar ho gai

miTa Daliye lauh-e-dil se ghubar

kisi se KHata bhi agar ho gai

ba-rah-e-karam us ko tai kijiye

jo an-ban kisi baat par ho gai

na karna tha bizzid madawa-e-gham

baDi chuk ai chaara-gar ho gai

ye hangama-ara hain sab be-KHabar

wo chup hain jinhen kuchh KHabar ho gai

(791) Peoples Rate This

Your Thoughts and Comments

Shab-e-zindagani Sahar Ho Gai In English By Famous Poet Ismail Merathi. Shab-e-zindagani Sahar Ho Gai is written by Ismail Merathi. Read famous Poem Shab-e-zindagani Sahar Ho Gai for youth and Student by Ismail Merathi. Free Download Shab-e-zindagani Sahar Ho Gai in PDF.