Zara Gham-zadon Ke Bhi Gham-KHwar Rahna
zara gham-zadon ke bhi gham-KHwar rahna
karen naz to naz-bardar rahna
faraKHi-o-usrat mein shadi-o-gham mein
bahar-haal yaron ke tum yar rahna
samajh nardban apni nakaamiyon ko
ki hai shart-e-himmat talabgar rahna
karo shukr hai ye inayat KHuda ki
balaon mein aksar giraftar rahna
agar aadmi ko na ho mashghala kuchh
bahisht-e-barin mein ho dushwar rahna
KHabar bhi hai aadam se jannat chhuTTi kyun
KHilaf-e-jibillat tha be-kar rahna
samajhte hain sheron ko bhi narm chaara
ghazalan-e-shahri se hoshyar rahna
Ismail Merathi 
(1154) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544