Dasht Mein Gulshan Mein Har Ja Ki Hai Teri Justuju
dasht mein gulshan mein har ja ki hai teri justuju
ab kahan le ja raha hai ai fareb-e-rang-o-bu
aap itna to bata den kab karam hoga huzur
kab murawwat mein badal jaegi ye nafrat ki KHu
sadagi-e-dil pe apni rashk aata hai mujhe
ek wafa na-ashna se hai wafa ki aarzu
ishq ki manzil mein lakhon karwan gum ho gae
rahraw-e-rah-e-mohabbat kya karenge justuju
rah gae hain ab to le de kar dil-e-barbaad mein
hasrat-e-didar ka gham aur teri aarzu
de rahi hai apne daman ki hawa baad-e-sahar
teri zulf-e-ambarin hai ek jahan-e-rang-o-bu
jab kabhi saqi ne 'jafar' apni nazren pher lin
mai-kade mein pi liya hai main ne arman ka lahu
Jafar Abbas Safvi 
(792) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544